دستور العلاقات الجامعية

مرحبا شباب

اليوم راح اكتبلتكم طرق لفت بنية وياك بالكلية


الحالة الاولى : زميلة وياك بالشعبة


لازم تخلي كدامك انه اذا ردت تلفت نظر بنية بالشعبة وياك فا لازم تكون نيتك صادقة وياها لان هاي راح تبقى بخلقتك 4 سنين او اكثر فا اذا نيتك كشرة وراح تنفصل عنها فا الموقف مو حلو يصير...



افضل طريقة تتقرب للبنية من شعبتك بحفلة التعارف بس انت

لازم تتخليها تحس انت رايدها قبل حفلة التعارف يعني نظرات من بعيد..بالنسبة للطلاب المرحلة الاولى..بس مو تاكلها بنظراتك يعني باوع عليها واكسر عينك بس من تباوع عليك ابد لا تكسر عينك الا هيا تكسر عينها


لا تروح تصارحها الى حفلة التعارف واخص بالذكر بعد حفلة التعارف هسه تكلي شراح تكلها؟

كولها مرحبا...راسا كمل بحجيك لا تتظر ترد عليك

اني معجب بيج واحب تعرفين انه نيتي صادقة وياج واحب اتعرف عليج..هاي كليشة صغيرة وهادفة


بس اهم شي كون تكون وحدها..وهيا اذا تريدك راح تسويلك مجال ودير بالك تروح تكلها اريد ثواي من وقتج او هيجي حجي لا بس من تشوف الفرصة استغلها كوبل..هسه نرجع للموضوعنا راح تكلك والمطلوب..كلها تبادليني المشاعر


اذا سكتت خير ع خير..اذا غلست ومشيت فا افلت منها لا تنعلس
تروح هيا الف وحدة بمكانها لا تلح عليها..ولا تكبر براسها
ماكو وحدة تسوى تكبر براسها..فا ااحتمال من تسالها اذا تبادلك المشاعر يا اما راح تهز براسها وتنزله الى جوا..يا اما راح تسكت وانت ارجع اسئلها..فا اذا اخذت منها شي ايجابي مثلا
كلتلك اي ابادلك او هزت براسها اسكت ثانيتين..احسها 1...2

بعدين كلها احب اخذ رقمج..اكيد اكيد راح تكلك لا ..كلها

لعد انطيج رقمي وشوفي انتي الوكت المناسب


عود هينا اكو طريقتين يا اما

1:تبعث رقمك بالبلوتوث..


2:يا اما ترده بس دير بالك تسجله على ورقه دخيل الله لا تصير مراهق لا تسوي هيجي شي بنات الجامعة يريدون شخصية


هاي اذا زميلتك


الحالة الثانية:بنية تبادلتم النظرات بغير قسم من كليتك او بغير جامعة شتسوي؟


اذا بكليتك باوع عليها(بس لا تضرب محاضرات على مودها ماكو بنية تستحق تضرب محاضرات على مودها)

فا راح تتبادلون النظرات هينا النقط المهمة وركز وياي


ضل باوع عليها لمدة يومين بالضبط يوم الاول بس باوع بلا ابتسامة

اليوم الثاني باوع وابتسم بس لا مو مثل الخبل كلما تباوع عليك تبتسم لا نرة عادية نظرة تبتسم المهم الفت انتباها

النقطة المهم ركز وياي هينا..اليوم الثالث روح صارحها بس اكو نقطتين احفظهم مثل اسمك دخيل الله


1:لا تصارحها وياها احد..لا تكول ممكن ثواني ومن هل البطيخ


2:لا تكلها احبج ومدري شنو..بابا انت هسه بمرحلة اعجاب

الحب بعدين..عود اذا تحبها



ها حبيبي ....


هذا دستور العلاقات الجامعية واي استفسار اني حاظر


حصريا للمنتدى دجلة

بقلم:رامي العراقي

هههههههههههههههههههه شنو هاي ضرغام انشاء الله بعد سنتين راح اروح للجامعه واجرب

لازم عجبتج الفكره بزونه انشاء الله موفقه