اشهد ان لا عشق الا بس هواك ....

اشهد ان لا عشق الا بس هواك


تعوذت بالله من حاولت أروح

ومن رحت زعلت ملائكتي وراك

وكمت احس شيطان تصفعني الجروح

جنت كل أمالي والحل الوحيد

من فقدتك كل طموحي ابقه انوح

ماخذلني النور من وجهك رأيت

بيدي لامسته ولكيتك يمي روح



لكن الكاتلني مادام الخلود

حلمي فاني تفاجئت من حل ظلام

صوجي ماحاولت اتحدى الغروب

وكوه اجلب بالشمس واشبع غرام

مدري ياهو اوحالي انطيلك مجال

الليل كلش خطر لوطار الحمام

الليل كلش موحش بيوم المشيت

وكلش اسود من رحل بدر التمام



انتشل نفسي وضياعي شكد عنيد

موعدك مجهول بس انطر ترد

حاولت اسكت اذا ذكروني بيك 

سكتت بس روحي بحسرتي كمت أهد

مسرحيه فراكك ومخرجهه مات


   
وظلت بلارجعه بس هجرك تعد

غادر الجمهور والمسرح كئيب

من يظل مجهول فقدان الورد



ثورة الاحساس قامعهه وداع

مسافر المشروع والحلم الوحيد

وشرع القانون حرماني الحياة

من قبلهه يصير مشوارك بعيد

ماكو واهس للنفس اشهك عليش

انه ماعايز هوه بس انته اريد

بروحتك زعلت ملائكة السماء

وبس جهنم قبلت بجرحي الجديد

الله الله ضرغام شنو هاي صاير شاعر تسلم يا ورده

فيضٌ لا ينضب من الإبداع أنت أيها الأنيق ..
اشتقتُ كثيرا لروعة حروفك وجمال معانيك ..
وهنا وحتى وأنت تختصر الكلمات بوجه تلك
المعشوقة فأنت تترك بالغ الأثر لرقي التعابير ..
رائعٌ دائما أنت ولا يكفي هذا ..
دمت عنوانا الدائم للإبداع .

شكرا الى مروركم يا حلوين و ونينة