: مــــــــا مـــرتــــاح :":":"
مامرتاح
ما مـــــرتاح والدنيا سفينه ابـــغير مــــــلاح
والعـــمر اوراقه صوفرن ويطيرن بلايا اجناح
ما مرتاح
ليش العينك تشـــوفه امل بس غمـــضت ينـــزاح
والغشيم اللي تعلــمه ايفوج يطلع كوسح وسـباح
والتحسبه ابراءة ط،،فـــل يختـــلك بكـــــوم ارمـــاح
والـــتكول عليه عضيدك وسند تراهـــو الـــك ذبـاح
ما مرتاح
احسبنك كــاع عــــذره وانــــه بيـــها الـــــك فلاح
ازرعلـك ورد واحـــــفرلــك نبع واخلي الك سـياح
وكــل التـــريده ايصــير بــس اكـــعــــد وارتـــــــاح
ولاتهـــم للـــدنيا ابد تره اشــما طالت تمــــر ارياح
ما مرتاح
شكلك تــره عمر الشمس ما تســـدها الــواح
وعــمر الورد حتى لو ذبل يبقى العــــطر فواح
والصـــبر ضيف على العمر وهو للفـــرج مفتاح
والهــــــم شما طال على الكلب لابد يوم ينزاح
ايهـــــاب الموت منك بس تره ابفزتك !!! تنـلاح
ما مرتاح
ياربـــي ليـــش البشر دومـــه ابحـــزن نـــــواح
ما يسكت علــــى الالــم والبيه يكـــوله صــياح
كومـه مثــــل هالــــروح واحسب اشـكثر ارواح
جبـل وثكلها على النفس دكلي شوكــــت نرتاح
اني ما مرتاح
انته هـم مثلي ؟ لــــوعـــندك جثــــيـره افــــراح
ولو شالك الـــوكت اتصــير فــوك الفــوك بجـــناح
ومن تـزرع ورد وزهـــور ! هـــم يطلــــع القــــداح
لو مثل صفصاف شما تزرع وتسكي تراه اشـباح
ما نرتاح
اشكي المن بكايا الروح وابجي اشلون يا صاح
واحجي المن وكل واحد شايل بلوته على الراح
اسكت لان ماكــو بشر بكل هـــالوكت مــــرتـاح
وابجي على الفرح لان من مات ما ورث الافـراح
الجمعة مارس 09, 2018 3:22 am من طرف ضرغام شهارة
» كلمات منثورة فوق اغصان صمتي
الجمعة يونيو 26, 2015 9:12 am من طرف taher duski
» شعر العاشق المجنون
الأحد أبريل 12, 2015 7:55 am من طرف ضرغام شهارة
» وفاة الشاب المأسوف على شبابه ميلس باسم جما
الأحد أبريل 12, 2015 7:53 am من طرف ضرغام شهارة
» السيرة الذاتية للفنانة سارية السواس
الخميس نوفمبر 28, 2013 8:13 am من طرف ضرغام شهارة
» أفكارنا هي السبب الرئيسي لأمراضنا
الثلاثاء أكتوبر 29, 2013 11:54 am من طرف ضرغام شهارة
» القرد ......
الأحد يونيو 23, 2013 8:11 am من طرف ضرغام شهارة
» سفرات مدرسية
الأحد يونيو 23, 2013 8:08 am من طرف ضرغام شهارة
» يوم توزيع النتائج
الأحد يونيو 23, 2013 8:07 am من طرف ضرغام شهارة