شلون تعينت سكرتير عزرائيل

--------------------------------------------------------------------------------

قصتي تبدي من آني جنت متمدد بالفراش مالتي ودا افكر بالامتحان مال باجر
بس كلت آني مارح اجاوب (اكيد) فكلت خل اعوف الدراسة وادورلي شغل وكلت خللي من هسة ابدي
وتالي الليل جان اطلع دا ادور على شغل
ظليت امشي لحد الصبح لكيت شغل وية عزرائيل
(بصراحة) من شفت الشغل جان بيه 3 شروط
1 - مشاركاتك بقلب القوش فوك ال2500 مشاركة (وهاي موجودة)
2 - تكون انت فد واحد خبيث (والحمدلله هم موجودة)
3 - تكون جذاب (وهاي العصت عندي لأن تكرمون ماعرف شنو الجذب)
فآني رجعت للبيت خائب مذلول (مع العلم آني ما جنت طامع بمنصب السكرتير ، جنت قابل حتى لو حارس لأن تعرفون ماكو شغل) فكعدت بغرفتي والدمعة بايدي أقصد بعيني (مو تعرفون موبايلي دمعة و24 ساعة بيدي) جان اسمع ابوية يصيحني كرااااااااااار ... كتله ها يا يابة شكو؟؟ كللي تعال وليدي دا نحفر بير ... اني كلت اهوووو هم رح انكرب؟؟
فآني هم رحت فتحت الكنتور دا ابدل لأن جنت كاشخ عبالي رح اتعين ... أشو اول مافتحت باب الكنتور كمزت علية حية عربيد (هاي الراسها جبير) المهم طارت علية واني ساكت وهية بعدها بالهوة طايرة (تكول كابتن ماجد من يطير عالطوبة يطول حلقتين لما ينزل) جان توصل لوجهي جان تطلع سنونها .... جان ... جان .... جان .... جان تبتسملي وتبوسني من خدي وكالتلي شلونك يالغالي مشتاقين أشو ماكو؟؟ والله ما اجذبلكم خبر اني هم بوستها وكلتلها يا هلاااااااااااا منورة الموضوع ...قصدي منورة البيت بطلتج صار هواية ما شايفج .. خطية هية خجلت وصارت خدودها حمر (مو تدرون اني وياها اصدقاء من الطفولة بس نسيت اكلكم بالبداية) المهم ورة ما سلمت عليها رحت للحديقة دا اريد احفر البير ... اشو اني اول ما لزمت الكرك جعت ... تذكرت الخاشوكة مال جدي ... المهم جان احسن بجسمي طاقة مو طبيعية وبديت احفر ... اشو ورة شوية شيطلعلي ؟؟ دا احفر جان يطلعلي بير مال بيبسي ... لا وفوكاها مال شركة ... اني هم شسويت ؟؟ ....كمت ابيع بيبسي بالجيس .. يعني تخيلو الجيس دبل ب750 دينار ... يعني اببلاش ... تلث بطالة وربع ابو اللترين ... المهم
وراها مو خلصت حفر ؟؟ فتت جوة دا اروح للحمام اسبح جان الكالك اسد عالحايط ... بس شنو ؟؟ تكول عبالك ابو بريص ... اني هم جبت الجداحة وحركت ذيله (تعرفون خبيث) وكام يحوص مثل البزونة المحروك ذيلها ... بصراحة انقهرت عليه وطفيته ... وطلعت للحديقة دا اشربلي جكارة ... تعرفون انقرهت فلازم ادخن
واني كاعد بالحديقة جان الكاك ابو بريص يم النيون مال الحديقة بس شنو ؟؟ تكول تمساح داكه الجوع ... اشو هذا باوعلي صفح .. كتله بابا شنو تعرفني انت ؟؟ ... جان يسويلي عو عو عو ... اني بصراحة افتر عندي الصحن ... لان عبالي خروف بس فاجأني وسوة عو فطلع ديج ... المهم اني بصراحة خفت .. بس شنو ؟؟ انكلبت عتوي عليه ولزمته من شعره كفشته ... اشو هوة كام يتوسل .. لا عمو والله بعد ما اسويها .. بس طوبتنا وكعت يمكم واجيت اخذها ... اني (بصراحة وبكل حقيقة) انقهرت عليه من نص كلبي والنص اللاخ اضحك عليه لان تعرفو خبيث سلام الله علية ... رجعت كعدت بالحديقة .. جان تندك الباب ... فتحت الباب جان الكة واحد ... اشو هذا استلمني رزايل عيب عليكم وهية دعبلتين ومدري شنو وجيبه جيبه دك رزايل ... اني صفنت عليه كتله شبيك بابا ؟؟ كللي انت مو ابو (فتاح) صديق ابني (مرزوق) ؟؟ كتله لا يابة هذولا البيت البصفنا ... هوة صفن جان يكول بينه وبين نفسه (جم مرة كللي الدكتور من تريد شي روح عالبصفه ودا انسة) ... اني سمعته وافتهمت السالفة ... طلع الاخ احول وجاي علينا بالغلط ... عاد هوة اعتذر وكال والله هذا ابني جاق (فتاح) مرتين ويطلبه دعبلتين ... وفتاح ما يقبل ينطيهيا ... اني سكتت ... وهوة راد يروح .. اني كتله اوكف تعال ... هوة دخول الحمام زي خروكو ؟؟ ... واستلمته طن كتل .. وراها عفته كلت خطية ... المهم هوة راح وقبل ما افوت جوة جان المحلك من بعيد شايب دا يريد يعبر الشارع ... اني رحت ركض عليه ... باوعت عليه اشو هذا لابس مناظر ... كتله انزعها حجي هية مال دروب؟؟ مو هذاك اليوم لكفتك دا تباوع على بت جيرانا وتريد تنطيها الرقم ؟؟ .. جان اجر المناظر من عينه .. ويا ستااااااار .. ساعة السودة الجريتها ... الله لا يراويكم طلع بلا عيون ويخوف ... بس شنو ؟؟ ربك ستر طلع ما يسمع همينة .. كللي ها ؟؟ شكلت ؟؟ واني افتهمت السالفة طلع اعمى واطرش ... كتله حجي شكو عايش لعد ؟؟ شلك بالدنيا ؟؟ ...المهم كللي اريد اعبر الشارع ... واني همينة جبته وخليته جوة اللوري ... أأأأأأأأأأأأأ ... عبرته من كدام اللوري ... وراها من عبرنا غنيتله (عبرت الشارع على مودك خليتك جوة اللوري) ... اشو هذا كام يردح وطلع كلاوجي ... المهم اخذته على كد عقله ومشيت ... واني دا امشي جان اشوفلك ديناصور جاي علية ركض ... عايف عباد الله كلها وكاعد يركض وراية ... مادري شبيه يمكن مشبه بية ... المهم اني اركض وهوة يركض وراية واني اركض وهوة يركض وراية ... تعرفون هذا ديناصور مو لعب جهال مو مال اواجهه ... ويركض واني اركض وراه ... أأأأأأأأأأ ... واركض وهوة يركض وراية ... جان على غفلة ... جان ... جان ...
هسة انتو تكولون شجاب تعيين سكرتير عزرائيل على هاي القصة ؟؟
اني اكلكم شلون جان واني وصلت لحد هنا من القصة جان يقرون الموضوع مالتي لحد هنا وكالولي كافي يمعود كافي تعال رح نعينك وهيجي حصلت الشرط الثالث .. وعينوني فوكاها سكرتير يعني مو موضف عادي ... لان تعرفون مسيلمة فزته 10 - 1 بالجزاءات ..المهم وتعيينت سكرتير واشتغلت من كل كلبي وتعال ورتب مواعيد وسوي مدري شنو ... المهم اجة يوم الراتب ... الراتب عبادرة عن 5 مليون دولار من غير الزيادات ... جان يذيعون اسمي (سيادة السكرتير) اني كلبي صار هالكبره .. روحت ركض واني اتجبح ... مثل الماشايف ... المهم مديت ايدي دا اخذ الفولس جان افز ... سالمين
اباوع عالساعة بـ3 بالليل وباجر عندي امتحان وما قاري زين عااااااااااااااااا

تحياتي
سكرتير عزرائيل

هههههههههههههههههههه وللة مملكة خوش رتبة

هههههههههههههه شكرا ككي يوسف على المرور ككي
تحياتي الكم

عاشت ايديك يسلمو

سوري ايديج

هع هع تسلمين ككي

شنو هاي مملكه تعرفين راسي كام يوجعني من الجب كااااااااااااااااااااااافي راح اشرب قهوه من وراج لا ابد متعرفين الجذب لو مشتغله ويه عزرائيل احسن

هههههههههههههههههههههههههه شكرا حياتي فراشه عل مرور لبي
ولوسي هم اشكرج على المرور
والباقين همين
منورين

يسلمووووووووووووووووو

هههههههههههه يسلموووووووووووو

هههههه بس هي 3 شروط صعبه كلش هع

ههههههه تسلمين

يسلموووووووووووووووووو تقبلو مروري

عاشت ايدج